"Bir dəfə Fransada bir xanımla..." - Eldar Quliyev
"Bir dəfə Fransada bir xanımla..." - Eldar Quliyev
Bir dəfə Fransada bir xanımla söhbətləşirdik. Xanım dedi ki, ailəlidir, müəllim işləyir. Soruşdum ki, bəs burda neyləyirsən? Dedi həftə sonları pul qazanmaq üçün gəlirəm. Yəni artıq oralarda bu adi hal kimi qəbul edilir. Bir daha təkrar edirəm, Azərbaycan qızlarının isməti bizim üçün çox önəmlidir.
Aftafa.tv xəbər verir ki, bu fikirləri öz açıqlamasında Milli Məclisin deputatı Eldar Quliyev deyib.
Deputat bildirib ki, Azərbaycan böyük bir ailədir, ailəni isə bu şəkildə pozmaq olmaz.
Lakin son günlərdə Ağsaqqallar Şurasına sədr seçilən Eldar Quliyev Fransada o xanımla nə iş gördüyü barəsində ətraflı məlumat verməyib. Deputatın çıxışı özlüyündə bir çox suallar doğurub. Məsələn, deputat “burda” deyəndə haranı nəzərdə tutub? Deputat özü “orda” nə edirmiş? Bəs görəsən deputat həmin xanımla hansı dildə danışıb?
Ailə dəyərlərindən ağız dolusu danışan deputatın Fransa sərgüzəştləri ilə Azərbaycan xalqına çox "yaxşı örnək" olduğuna da şübhə yoxdur.
Azadsoz.com
